"एकटेपणा"

माझा एकटेपणा कधीही एकटा नसतो

त्यातही कुणीतरी असतच

म्हणून तर तो अधिक बोलका होतो

हसतांना तर साथ देतोच तो

पण रडतानाही अश्रू पुसतो

कुणीही राखले नाही इतके इमान तो राखतो 

हाच एकटेपणा आता माझा सखा झालाय 

गर्दीतूनही नेतो मला इतका तो माझा झालाय

आता भीतीही नाही वाटत त्याची

तोच करील खरी सोबत 

खात्री आहे त्याची..   

 

मैत्रीण..

.

अशी एक मैत्रीण असावी

जिची कोणीच मैत्रीण नसावी 

सुखात माझ्या तिचं 

खूप मोहरून जावी 

अन दु:खात माझ्या 

मुसमुसून रडवी..

तिनं काही द्यावं

 ना घ्यावं 

व्यवहाराच गणित 

तिला माहित नसावं ..

व्याकुळ होवून तिनं 

मला साद घालावं 

प्रतिसाद म्हणूनही 

तिनंच मला बिलगावं..

माझ्या तिच्यात कोणतही

 द्वैत न उरावं 

मला हाक मारताच 

तिनं "ओ"म्हणावं ..

असं मैत्रीचं बंधन 

अतूट होवून जावं 

तिच्या डोळ्यात सदैव 

मी चं असावं ..

मला माहितीये

स्वार्थी झालेय मी खूप 

पण,काय करू माझी 

मैत्रप्रेमाची भागत नाही ना भूक.....