"समर्पित प्रीती.."
आली आकाशाला दया,
घाली मायेची पाखर..।
निस्तेज म्लान
धरतीला,
फुटे सृजनाचा अंकुर..।। १।।
वाराही खट्याल,
आलिंगन देवू पाहे..।
हलक्या
गार झुलकीने,
वृक्ष वेली हेलकावे..।।२।।
मेघाने घातली साद,
बरस बरस
बरसला..।
हातचे काहीही न राखता,
सहस्रकरांनी झुकला..।।३।।
शुर्चिभूत
होवूनिया,
सृष्टीने दिला प्रतिसाद..।
दान पदरात झेलले ,
नको वाद
प्रतिवाद..।।४।।
हसू फुटे किरणाला,
तोही हलके प्रकाशे..।
सात रंग
घेवूनिया,
चित्र काढीतो आकाशे..।।५।।
समर्पित प्रीतीच्या,
नूतन
खाणाखूणा..।
सजते नटते धरती,
म्हणूनिया पुन्हापुन्हा..।६।।
रो.
0 टिप्पण्या:
टिप्पणी पोस्ट करा
याची सदस्यत्व घ्या टिप्पणी पोस्ट करा [Atom]
<< मुख्यपृष्ठ