**तुझीचं
गीते..**
श्यामल मेघ ,
एकसंघ पसरलेले..।
झाडावरचे शहारे,
नाही अजून
मावललेले..।।
जरी उशिराचं आलास,
तरी तुझी नवलाई..।
सांडून नाही देणार,
झेलून
घेईल हातावरी..।।
ओलसर
गंधमय वारा,
पानांपानांतून चालला..।
अलगद स्पर्शुनी अंतरासी,
संवेदना चेतवूनी
गेला..।।
झुलवत झुलवत झुलला,
मनाचाही मोर..।
वसुंधरा सुस्नात,
अवघ्या सृष्टीस
मोहोर..।।
संतत
धार धरे,
ऐसा कैसा छंद..।
नादमयता लोभस,
मृत्तिकेचा मंद गंध..।।
तू आला जरी
सैराट,
होवूनी विराट..।
गातिल तुझीचं गीते,
सृष्टीचे हे भाट..।।
-रो..
0 टिप्पण्या:
टिप्पणी पोस्ट करा
याची सदस्यत्व घ्या टिप्पणी पोस्ट करा [Atom]
<< मुख्यपृष्ठ