बीज..

होरपळूनी जाता बीज,
न फुटे कोंब सुबक..
आंजारा गोंजरा निजवा,
ओल्या मातीच्या कुशीत..।

नका खुडू त्याचे,
अंकुरण्याचे स्वप्न..
हवी हक्काची ऊब,
अन् अलगद जपणं..।
माळीयाच्या हातानेही,
ते भरुन पावेल..
कुंडीतल्या बोनसाॅय परी,
रुप त्याचे असेल..।
खुलवा फुलवा हसवा,
मोकळ्या निर्मळ विश्वात..
माया ममता जिव्हाळ्याचा,
द्या हलकेचं हात..।
कृतज्ञता मांगल्याची,
त्याच्या डोळ्यात दिसेल..
फिटता उपकार मातीचे,
आकाशी झेपावेल..।।
रो..