जिवंत थडगे..

त्या तीन माकडांनी सांगितलं..

बुरा मत देखो..
बुरा मत सुनो..
बुरा मत कहो..

हो, आम्ही त्याचचं पालन करतोय..
अन्
पाहतोय,
निरागस डोळ्यांतील दयनीयता..
ऐकतोय,
आर्त किंकाळी ह्रदयभेदक..
बोलतोय,
सुमधूर गोष्टी अर्थहीन..
कारण त्या तीन माकडांनी सांगितलंय..
म्हणूनचं आम्ही बनत चाललोय..
सारे काही दिसत असूनही,
पुरते आंधळे..
सारे काही ऐकू येत असूनही,
ठार बहिरे..
सारे काही उमगत असूनही,
शब्दहीन मुके..
एक जिवंत संवेदनहीन थडगे..।।
रो..