बुटकी वृत्ती..

कधी कधी खरचं,
काहीचं कळत नाही..
बुटक्या वृत्तीपुढे,
आपलं काहीचं चालत नाही..।।

दुसर्यास म्हणतात,
अर्ध्या हळकुंडाने पिवळे..
स्वतः पाळतात मात्र,
सारे सोवळे ओवळे..
यांच्या गतीपुढे,
आपली मती चालत नाही..।
बुटक्या वृत्तीपुढे,
आपलं काहीचं चालत नाही..।।
जगही त्यांना हवं असतं,
स्व सौख्याप्रमाणे..
मीचं फार दिलदार,
ऐसे असे लबाड गाणे..
त्यांच्या सुरां सोबत,
आपला सुर जुळत नाही..।
बुटक्या वृत्तीपुढे,
आपलं काहीचं चालत नाही..।।
स्वतःचा तो बाळ्या,
दुसर्याचं ते कार्ट मानतात..
सभेत छातीठोकपणे,
आपलाचं हेका दामटतात..
त्यांच्या ह्या वृत्तीपुढे,
मस्तक झुकल्याशिवाय रहात नाही..।
बुटक्या वृत्तीपुढे ,
आपलं काहीचं चालत नाही..।।
खरचं आपलं काहीचं चालत नाही..।। 😢
रो..