"'धुके.."

ढगांच्या फटीतून सटकली,

प्रकाशाची उनाड किरणे..।

हटता धुक्याची दुलई,

चमकली झुंबर पाने..।।१।।

अनावृत्त डोंगरमाथा,

पाही वाक वाकून..।

कुठे मेघांचे दाट पटल,

कुठे पारदर्शी खूण..।।२।।

ऐसे सृष्टीचे वैभव,

लोभस विश्व हरवलेले..।

अंधारातून अंधूक अंधूक,

प्रकाशाकडे विस्तारलेले..।।३।।

अनुभव इतका गूढ,

ऐसा भासला गहिरा..।

तेजस्वी वस्राची कांती

विरला मौनात पसारा..।।४।।

ती आगलीक पाहूनी,

सदगदित झाले..।

ब्रम्हांनंदी टाली लागली,

पुरती भरुनी पावले..।।५।।

-रो....