अनंताचे प्रवासी ..

कुणी नसे सोबती 

कुणी नसे सांगाती 

असतो आपण एकटे 

अनंताचे प्रवासी ..

कितीही पेरीत जा 

भलेपनाची फूले,

वाट्यास येती

 वेदनामय काटे ,

वेदना मनीच्या 

कुणीही न जाणती,

असतो आपण एकटे 

अनंताचे प्रवासी..१

प्रत्येकजण असतो 

स्वार्थाने बरबटलेला ,

स्वत:च्या सुखातच

लोळत पडलेला,

गावीही नसते भावना 

आपल्या एकटेपणाची 

असतो आपण एकटे 

अनंताचे प्रवासी .. २

कितीही साथ दिली निष्ठेने 

साथही अपुरी पडते ,

दुसर्या बाजूने मात्र 

ठोकरच लागते ,

जाणीवही नसते 

आपल्या निष्ठेची,

असतो आपण एकटेच

अनंताचे प्रवासी..३