"फोड "
खूप खूप वाटतं
कळीसारख फुलावं
पाकळ्या पसरुनी
आकाशाला भिडाव..।
कुठून येतात मत्सराचे
अवचित ध्वनी
निराशेचा सूर घुमतो
नकळत राजस मनी.. ।
गर्दीतही राहून जाते
माणूसपण एकटे
उत्सवाचे क्षणही
होऊन जातात थिटे.. ।
टाकावं क्षणात संपवून
एकदम सर्व काही
कुठले जीवन कुठली आस
कुठे काहीच नाही.. ।
उगीचची धडपड
फुकाचीच उरस्फोड
झाकळलेले मन
काळजाला व्यथित फोड.. ।
0 टिप्पण्या:
टिप्पणी पोस्ट करा
याची सदस्यत्व घ्या टिप्पणी पोस्ट करा [Atom]
<< मुख्यपृष्ठ