*..आपली मैत्री..*
आपली मैत्री ही स्तुती सुमनांचा,
वर्षाव करणारी नसावी..
चुकलच तर कान पकडण्याच अधिकार अन,
बरोबर असेल तर अनुकरण करण्याच स्वातंत्र्य देणारी असावी..
आपली मैत्री ही अस्तित्वाला महत्व अन,
सुखात सोबत मागणारी नसावी तर..
मैत्रीच्या अस्मितेला जपणारी अन,
दु:खात न मागता साथ देणारी असावी..
आपली मैत्री ही केवळ मैत्री नसावी,
समृद्धतेकडे नेणारी ती सुबक वाटचाल असावी..
त्यातून भावनिक,वैचारिक सुदृढतेची वेल बहरावी,
त्या वेलीला सुस्कांराची सुमने उमलावी..
त्या सुगंधाने अवघ्या जीवनास,
चैतन्याची संवेदना जाणवावी अन,
ती संवेदना शेवटच्या श्वासापर्यंत टिकावी,
अशी आपली ही मैत्री असावी..
मैत्री असावी..*
0 टिप्पण्या:
टिप्पणी पोस्ट करा
याची सदस्यत्व घ्या टिप्पणी पोस्ट करा [Atom]
<< मुख्यपृष्ठ