नसेल असेल..

नसेल मी कुणीतरी,
परि असेल मी कुणीतरी..।
विश्वसागराच्या पसार्यात,
चमकेल माझा बिंदू उरी..।।

माझी धडपड माझी पडझड,
कधी निस्तब्ध कधी होणे अवखळ..।
हसवेल तुम्हा निमीषार्ध तरी,
चमकेल माझा बिंदू उरी..।।

माझे रुजणे माझेचं फुलणे,
वसंतबहार होवून झुलणे..।
वदेल तुम्हास कहाणी सारी,
चमकेल माझा बिंदू उरी..।।

स्वप्नात हरवणे सत्यात जगणे,
माणुस निपजताचं पुढे चालणे..।
आनंदवाट माझी सदाचारी,
चमकेल माझा बिंदू उरी..।।

रो..