आपलं - परकं

आपलं कोण परकं कोण,
काहीचं कळत नाही..
गोतावळ्याचा गुंतावळा,
काही केल्या सुटत नाही..।

आपले म्हणावे तेचं,
झिडकारुनी सहज जाती..
परके कधी कधी,
हळुवार मनास जपती..
भावनांच्या कोडगेपणात,
अंकुर काही फुटत नाही..।।
आपलं कोण.......
हळवेपणाची पडझड होई,
अपेक्षांच्या ओझ्याखाली..
परकेपणाचे माप घेई,
अंतरंगाची नितळ खोली..
संवेदनांच्या बोथटपणाला,
जाणिवा स्पर्शत नाही..।।
आपलं कोण..........
वेदना वंचना घेवून,
नियती हसत येई..
धिक्काराणे मन पुरते,
कोमेजून निर्माल्य होई..
सोसल्याशिवाय आघातांना,
शहाणपण येत नाही..।।
आपलं कोण........
रो..